نەوتی خاو بەرزبوونەوەی بەرچاوی لە نرخەكەیدا تۆماركرد و ئەمڕۆ سێشەممە 87 دۆلاری بۆ هەر بەرمیلێك تێپەڕاند.
هەر بەرمیلێك نەوتی برێنت بە 87.31 دۆلار مامەڵەی پێوەكراوە و نرخەكەی بە بەراورد بە دوێنێ 0.84% بەرزبووەتەوە. نەوتی خاوی ئەمریكیش ئەمڕۆ بەرمیلێكی بە 84.38 دۆلارە لە بازاڕەكانی جیهاندا و نرخەكەی بە ڕێژەی 1.3% بەرزبووەتەوە.
لە ساڵی 2014ـەوە بازاڕی نەوت ڕووی لە داتەپین كرد، كۆرۆنا و قەدەغەی هاتوچۆ دۆخەكەی قورستر كرد، بەشێوەیەك، چەند ڕۆژێك نرخی نەوت بە زیاتر لە -30 دۆلار دەفرۆشرا، دواتر بازاڕی نەوت قۆناغ بە قۆناغ بووژایەوە و نرخەكان بەرزبوونەوە، بەڵام ئەو نرخەی ئەمڕۆ نەوتی خاو پێیگەیشتووە، بەرزترین نرخە لە ساڵی 2014ـەوە تا ئێستا.
