سه‌رۆكى زانكۆی هه‌ڵه‌بجه له‌پاى چاره‌سه‌ركردنى كێشەی زانكۆ و بەشەناوخۆییەكانى زانكۆكه‌یان سوپاسی بافڵ جه‌لال تاڵه‌بانى ده‌كات.
پرۆفیسۆر مه‌هاباد كامل عه‌بدوڵڵا، سه‌رۆكى زانكۆی هه‌ڵه‌بجه له نووسراوێكدا كه سوپاس و پێزانینى ئاراسته‌ى بافڵ جه‌لال تاڵه‌بانى كردووه ده‌ڵێت، “لە پای دڵسۆزیی و خه‌مخۆریتان بۆ كێشه و گرفته‌كانى خوێندكاران و بەدەمەوە هاتنتان بۆ چارەسەركردنی كه‌موكورتییه‌كانى به‌شه‌ناوخۆییه‌كان، زانكۆی هه‌ڵه‌بجه سوپاس و پێزانین ئاراستەی به‌ڕێزتان ده‌كات”.
له‌به‌شێكى دیكه‌دا سه‌رۆكى زانكۆی هه‌ڵه‌بجه ده‌ڵێت، “هیوادارین هه‌میشه سه‌ركه‌وتووبن پاڵپشت و پشتیوانمان بن بۆخزمه‌تكردن و پێشخستنى زانكۆكه‌مان.”
ئه‌وه‌ش دواى ئه‌وه‌دێت، پێشتر بافڵ جه‌لال تاڵه‌بانى بڕیاریدا كێشه‌و داواكارییه‌كانى سه‌رجه‌م زانكۆكانى سنووریی پارێزگاكانى سلێمانى و هه‌ڵبجه و ئیداره سه‌ربه‌خۆكانى ڕاپه‌ڕین و گه‌رمیان و قه‌زاكانى دیكه چاره‌سه‌ر بكات.
