یانه‌ی لیڤه‌رپوڵ له‌چێوه‌ی یارییه‌کانی هه‌فته‌ی 22ی خولی نایابی ئینگلته‌را ڕووبه‌ڕووی برێنتفۆرد بووه‌وه، یارییه ئاگرینه‌که به‌بردنه‌وه‌ی سوورپۆشه‌کان کۆتاییهات.
ئەمڕۆ یه‌کشەممە، لە چێوەی یارییەکانی هەفتەی 22ی خولی نایابی ئینگلتەرا، یانەی لیڤه‌رپوڵ له‌یاریگای ئانفێڵد ڕۆدز به‌بێ محه‌مه‌د سه‌ڵاح و سادیۆ مانی میوانداریی برێنتفۆردی کرد، یارییەکە بە ئەنجامی سێ گۆڵی بێوه‌ڵام له‌به‌رژه‌وه‌ندی ئه‌ستێره‌کانی یۆرگن کلۆپ کۆتاییهات.
گۆڵه‌کانی لیڤه‌رپوڵ له خوله‌که‌کانی 44، 69، 77 له‌لایه‌ن فابینیۆ، چامپه‌رلین، تاکومی مینامینۆوه تۆمارکران.
بەپێی ئەنجامە تۆمارکراوەکە، لیڤه‌رپوڵ بەکۆکردنه‌وه‌ی 45 خاڵ گه‌ڕایه‌وه بۆ پله‌ی دووه‌می ڕیزبه‌ندیی یانه‌کانی خولی نایابی ئینگلته‌را، هه‌روه‌ها یانه‌ی برێنتفۆرد به 23 خاڵه‌وه له‌پله‌ی 14دا به‌ناجێگیری مایه‌وه.
