گواردیۆلا بە پلانی جادویی ژیان بۆ مێندی دەگەڕێنێتەوە

گواردیۆلا پلانی دارشتووە جارێکی دیکە مێندی لە پێکهاتە بەرگریەکانیدا بەکاربخاتەوە

ڕاهێنەری یانەی مانچستەر سیتی، پێپ گواردیۆلا پلانێکی تایبەتی بۆ گەڕانەوەی بنجامین مێندی بەرگریکاری فەرەنسی داڕشتووە.

لە هاوینی 2017 مانچستەر سیتی بەبڕی 52 ملیۆن یورۆ بنجامین مێندی بەرگریکاری باڵی چەپی یانەی مۆناکۆی گواستەوە بۆ ڕیزەکانی، بەڕێوبەرانی یانە ئینگلیزییەکە هیوایان بەوە بوو ڕەش ئەسمەرەکە ببێتە یەکێک لە باشترینەکان، بەڵام بەهۆی پێکانە لەسەریەکەکانەوە ناوبراو ئەو ئاڕاستەیەی نەگرت.

مێندی تەمەن 26 ساڵ لە پێکهاتەی هەڵبژاردەی فەرەنسا دوورخراوەتەوە، بەوپێیەی لەم وەرزەدا تەنها حەوت ڕوبەڕوبوونەوەی بەشێوەی سەرەکی لە خولی نایابی ئینگلیزی ئەنجامداوە و تەنها یارییەکی لە خولی یانە پاڵەوانەکان کردووە، بەڵام لە ناوەڕاستی مانگی کانوونی یەکەمی 2020وە دووچاری پێکان بووە و ماوەی 103 ڕۆژە دوورکەوتووەتەوە.

پلانێک بۆ مێسی

بەپێی زانیاریەکانی ڕۆژنامەی زە سەنی بەریتانی، مێندی متمانەی گواردیۆلای لەدەستنەداوە و لەبارەیەوە ڕاهێنەرەکە دەڵێت، ” لە ژووری جلگۆڕینەکان مێندی خۆشحاڵە، کەسێکی ناوازەیە و خەسڵەتی تایبەتی هەیە، بەنسبەت منەوە باڵێکی بەرگری بەتوانایە و تۆپ لەدەستنادات و لە نیوە یاریگای ڕکابەراندا دەزانێت بە چ شێوەیەک تۆپ ئاڕاستەبکات”.

گواردیۆلا لە داهاتوودا بیر لەوە دەکاتەوە بە سێ یاریزان لە هێڵی بەرگری یاریبکات، بۆ ئەم مەبەستەش لەگەڵ ئایمیریک لاپۆرتی و ڕوبن دیاس پێویستی بە بەرگریکارێکە لە ڕووە هێرشبەریەکانەوە بێکەموکورتی بێت، ئەو بەرگریکارەش مێندی فەرەنسییە، واتا لە دوای گەڕانەوەی یاریزانەکە لە پێکان دووبارە چانسی یاریکردنی پێدەدرێت و لەتوانایدایە جارێکی دیکە بەهرەکانی بسەلمێنێت.

بابەتی پێشتر

"ئەنجومەنی نوێنەران ناتوانێت بەتەنها دانیشتنێك یاسای بودجە پەسەندبكات"

بابەتی دواتر

ڕیزبەندی گرانبەهاترین شۆفێرانی "فۆرمولا 1" بۆ ساڵی 2021

بابەتی پەیوەندیدار
زیاتر ببینە

ئۆبامیانگ دەبێتە ئوزێلی نوێ !

هێرشبەری گابۆنی یانەی ئارسیناڵ، پیێر ئایمیریک ئۆبامیانگ ئاستی بە پێی پێویست نییە و چاوەڕواندەکرێت لە داهاتوویەکی نزیکدا لە…
Total
1
Share