ئەمشەو لەخول و پاڵەوانێتییە جیاوازەكاندا چەند یارییەكی گرنگ بەڕێوەدەچن.
لە جامی سوپەری ئیسپانیا، كە لە سعودیە بەڕێوەدەچێت، بەرشلۆنە و ڕیاڵ مەدرید لە قۆناغی پێش كۆتاییدا ڕووبەڕووی یەك دەبنەوە.
براوەی ئەم یارییە بەرامبەر براوەی یاریی ئەتلەتیكۆ مەدرید و ئەتلەتیك بلباو یارییدەكات.
لە بەرشلۆنە هەریەك لە یاریزانان فیران تۆرێس، دی یۆنگ، پێدری، ئانسو فاتی و ئاراوخۆ گەڕاونەتەوە و دەتوانن یاریبكەن.
لە ڕیاڵ مەدریدیش پێشبینی دەكرێت ئاسینسیۆ و ڤینیسیۆس و كەریم بنزیمە هێرشبەر بن.
لە جامی سوپەری ئیتاڵیاش، هەر ئەمشەو هەردوو یانەی ئینتەرمیلان و یوڤانتۆس بەیەك دەگەن.
ئالێگریی ڕاهێنەری یوڤانتۆس دڵنیایە لەوەی ئینتەر باشترین یانەی ئیتاڵیایە، بەڵام بردنەوە لێیان بە ئاستەم نابینێت.
لە یاریی گەڕانەوەی فا كەپیشدا، تۆتنهام لە یاریگای خۆی میوانداریی چێڵسی دەكات.
یاریی چوون چێڵسی دوو بە سفر سەركەوتنی بەدەستهێنابوو.
براوەیان دەگاتە یاریی كۆتایی و چاوەڕێی براوەی لیڤەرپوڵ و ئارسناڵ دەكات.
لە یارییەكی دواخراوی خولی ئینگلتەراش هەردوو یانەی وێستهام و نۆرویچ سیتی بەیەك دەگەن.
یارییەكانی ئەمڕۆ
جامی سوپەری ئیسپانیا
بەرشلۆنە – ڕیاڵ مەدرید 10:00
جامی سوپەری ئیتاڵیا
ئینتەر میلان – یوڤانتۆس 11:00
فا كەپ
تۆتنهام – چێڵسی 10:45
جامی نەتەوەكانی ئەفریقا
تونس – مالی 4:00
مۆریتانیا – گامبیا 7:00
غینیا – كۆتدیڤوار 10:00
خولی ئینگلتەرا
وێستهام – نۆرویچ سیتی 10:45
