یانەی بەرشلۆنە بەفەرمی بۆندی ساموێل ئومتیتیی بەرگریلکاری فەرەنسی نوێکردەوە، لەکاتێکدا زۆرینەی میدیاکان ئاماژەیان بە فرۆشتنی دەکرد.
ماڵپەڕی فەرەمی یانەی بەرشلۆنە بڵاویکردووەتەوە، گرێبەستی نێوان یانەکە و ساموێل ئومتیتی تاوەکو هاوینی ساڵی 2026 نوێکراوەتەوە، ئەم هەنگاوەش بە مەرجی کەمکردنەوەی مووچەی جەمسەری دووەم بووە و یاریزانەکە ڕەزامەندی نیشانداوە.
لەو بارەیەوە یانەی بەرشلۆنە نووسیویەتی، “یانەی بەرشلۆنە بەئاشکرا سوپاسگوازری خۆی بەرامبەر ئومتیتی دەردەبڕێت، بەهۆی کەمکردنەوەی مووچەی یاریزانەکە و نوێکردنەوەی بۆندەکە بەم جۆرە، یانەکە لەتوانایدادەبێت باشتر هاوسەنگی لە یاساکانی یاریی خاوێن ڕابگرێت، هەروەها ناوی فیران تۆرێس لەڕیزبەندیی پڕۆفیشناڵەکانی خولی ئیسپانیا ناونووسبکات”.
ئومتیتی لە وەرزی 2016/2017وە پەیوەندی بە یانەی بەرشلۆنەوە کردووە، 133 یاریی بەدرێسی یانە کەتەلۆنییەکەوە کردووە، دوو گۆڵی تۆمارکردووە و تەنها گۆڵێکی ڕەخساندووە.
