هه‌ردوو هاوپه‌یمانیی ته‌قه‌دوم و عه‌زم به‌فه‌رمى ڕێككه‌وتنی كۆتاییان بۆ دیاریكردنی محه‌مه‌د حه‌لبوسی بۆ پۆستی سه‌رۆكی په‌رله‌مان و خه‌میس خه‌نجه‌ر بۆ پۆستی سه‌رۆكی هاوپه‌یمانێتیه‌كه‌یان ڕاگه‌یاند.
له ڕاگه‌یه‌ندراوێكی هاوبه‌شدا هه‌ردوو هاوپه‌یمانیی عه‌زم و ته‌قه‌دوم ئاماژه‌یان به‌وه‌كردووه، به فه‌رمی ڕایده‌گه‌یه‌نین له پرۆسه‌یه‌كی ده‌نگداندا كه 67 ئه‌ندام ئاماده‌یبوون بڕیاریانداوه به دیارییكردنی محه‌مه‌د حه‌لبوسی بۆ پۆستی سه‌رۆكایه‌تیی په‌رله‌مانی عێراق.
باسیان له‌وه‌شكردووه، به‌كۆی ده‌نگی ئه‌ندامانی ئاماده‌بووی كۆبونه‌وه‌كه‌ش، بڕیاردراوه به‌دیارییكردنی خه‌میس خه‌نجه‌ر بۆ سه‌رۆكایه‌تیی كردنی هاوپه‌یمانێتی نێوان عه‌زم و ته‌قه‌دوم.
