ده‌زگای لوتكه بۆ كاروباری ئاواره و په‌نابه‌ران، ئاماری حەوت ساڵی ڕابردووی ئه‌و كۆچبه‌رانه‌ی بڵاوكرده‌وه، كه له عێراق و هه‌رێمی كوردستانه‌وه چوونه‌ته ده‌ره‌وه‌ی وڵات و داوای مافی په‌نابه‌رییان له وڵاتانی ئه‌وروپا كردووه.
به‌پێی ئاماره‌كانى ده‌زگای لوتكه، له ماوەی حەوتی ساڵی ڕابردوودا، 2015 بۆ 2021، 649 هه‌زار و 273 كۆچبه‌ر له عێراق و هه‌رێمی كوردستانه‌وه به‌ره‌و ده‌ره‌وه‌ی وڵات كۆچیان كردووه.
هەر بەپێی ئامارەكە، 296 كۆچبەر لە هەوڵی گەیشتنیان بە ئەوروپا گیانیان لەدەستداوە، 216 كوچبەریش بێسه‌روشوێنن.
لوتكە باسی لەو كۆچبەرانەش كردووە، كە بەهەر هۆكارێك بێت كەوتوونەتە وڵاتی سێیەمەوە، لە نموونەی سوریا و لیبیا، ئاشكرایكردووە، لە ڕۆژی 11ی ئه‌یلولی ساڵى ڕابردوو 57 كۆچبه‌ری كورد له سوریاوه له‌لایه‌ن گروپه میلیشیاكانی ئه‌و وڵاته‌وه ده‌ستبه‌سه‌ركرابوون، گه‌ڕێندرانه‌وه، هه‌روه‌ها ڕۆژی 26ی تشرینی دووه‌می هەمان ساڵ 40 كۆچبه‌ری كورد له لیبیاوه گه‌ڕێندراونه‌ته‌وه، كە قاچاخچی بەرەو ئەو وڵاتە بردبوونی.
ده‌قی ئاماره‌كان:
