زەوی گەیشتە نزیکترین خاڵ لە خۆر و مانگ و زوحەلیش بەرامبەر بە یەكتر دەوەستن

ئەمڕۆ سێشەممە زەوی گەیشتە نزیکترین مەودای دووری لە خۆر، مانگ و هەسارەی زوحەلیش لەسەر یەك ڕاستەهێڵ بەرامبەر بە یەكتر دەوەستن و دیمەنەكە لە میسر دەبینرێت.

ئەو دوورییەی ئەمڕۆ لەنێوان زەوی و خۆردا تۆماردەكرێت دەکاتە 0.9833 یەکەی ئەستێرەناسی، (هەر یەکەیەك نزیکەی 150 ملیۆن کیلۆمەترە و ئەوەش دووریی نێوان زەوی و خۆرە)، بەڵام ئەمڕۆ ئەم دوورییە کەمتر دەبێت لە 147 ملیۆن کیلومەتر.

بەپێی سەرچاوەكان، كاریگەریی ئەو نزیكبوونەوەیە گەورە نابێت، چونكە ئێستا نیوەی زەوی لە وەرزی زستاندایە و پلەكانی گەرما نزمبوونەتەوە، بەجۆرێك كە لاربوونی تەوەری زەوی بە 23.5 پلەیە و نیوەگۆی باکوور لەمكاتەدا کەمترین بەرکەوتنی تیشکی خۆری هەیە و ڕۆژەکان کورت و شەوەکان درێژن، بە پێچەوانەی هاوینەوە کە خۆر بەشێوەی ستوونی و بۆ ماوەیەکی زۆرتر گەرمی دەبەخشێت.

هەر ئەمشەو مانگ و هەسارەی زوحەل لەسەر یەك ڕاستەهێڵ بەرامبەر بە یەكتر دەوەستن و دیمەنەكە ئەمشەو لە میسر دەبینرێت.

بابەتی پێشتر

یەكێتی لەبارەی پۆستی سەرۆك كۆمارەوە وەڵامی كۆنكرێتیی پارتی داوەتەوە

بابەتی دواتر

بەهای ئەپڵ دەگاتە 3000 ملیار دۆلار

بابەتی پەیوەندیدار
زیاتر ببینە

پەیوەندیی نێوان بیستۆکەکان و شێرپەنجە.. تێگەیشتنێکی هەڵەیە یان ڕاستییەکی بێدەنگی لێکراو

پسپۆڕان و شارەزایان، بەبەردەوامیی ئامۆژگارییمان دەکەن ئامێر و خزمەتگوزارییە پێشکەوتووە تەکنەلۆژییەکان بە وریایی و بەرپرسیارێتییەوە بەکاربهێنین تاوەکو پارێزراوبین…