کۆمپانیایەکی ئیسرائیلی بەناوی ئوربان ئێرۆنۆتیکس ئۆتۆمبێلێکی فڕیوی بەرهەمهێناوە کە هیچ باڵێکی نییە و لە توانایدایە شەش سەرنشین هەڵبگرێت.
لە ڕاپۆرتی کەناڵەکەدا ئاماژە بە دوو تایبەتمەندیی ئۆتۆمبێلەکە کراوە، “باڵی نییە و دەزگای هەڵگری دەرەکیشی نییە. هەروەها قەبارەکەی هێندەی ئۆتۆمبێلێکی بەرز دەبێت، کە دەتوانێت لە نزیک ماڵەکەت یاخود نووسینگەکەت بیوەستێنیت”.
لەگەڵ ئەوەشدا چوار ئۆتۆمبێلی فڕیو دەتوانێت لەسەر سەربانی نووسینگە یان ماڵەکەت بنیشێتەوە، لەبری ئەوەی هەلیکۆپتەرێک بنیشێتەوە، کە هەندێک لە دەوڵەمەندەکان هێلیکۆپتەر بەکاردەهێنن و لەسەر سەربانی باڵەخانەکانیان دایدەنێن.
دەزگای وزەگۆڕی ئۆتۆمبێلەکە، وزەی کیمیایی سووتەمەنییەک و گازێکی ئۆکسێنراوی ناو بەرگە هەوا، دەگۆڕێت بۆ کارەبا. تاکە پاشماوەشی هەڵمی پاکی ئاوە.
هەروەها بەپێی زانیارییەکانی کۆمپانیەکە، “هەڵۆی شار” دەتوانێت پێنج کەس و فڕۆکەوانێک هەڵبگرێت.
ئۆتۆمبێلەکە بە پەروانەیەکی گەورە بەرز دەبێتەوە، کە لەبری ئەوەی لە دەرەوەی جەستەی ئۆتۆمبێلەکە جێگیر کرابێت، لە ناوەوەی دانراوە و سووتەمەنییەکە بۆ جووڵاندنی ئەم پەڕوانەیە بەکاردێت.
