ڕاهێنەرانی یانەکانی مانچستەر سیتی و لیڤەرپوڵ، توڕەیی خۆیان لە بڕیارەکانی ڕایەڵەی یانەکانی پریمەرلیگ دەردەبڕن.
لەم بارەیەوە ڕاهێنەرە ئیسپانییەکە ڕایگەیاند، ” لە بارەی یاسای پێنج ئاڵوگۆڕەوە قسەمان کرد، کاتێک مایکرۆفۆن دەخەنە بەردەممان، بێگومان گوێبیستی بۆچوونەکانمان دەبن”.
هەروەها دەڵێت، ” لە هەموو خولەکانی جیهان یاسای پێنج ئاڵوگۆڕ کاری لەسەردەکرێت، بەڵام لەلای ئێمە پێچەوانەیە، لەم بارەیەوە زۆرمان وتووە، ئەلیکساندەر ئاڕنۆڵد یاریزانێکی نێودەوڵەتی هەڵبژاردەی ئینگلتەرایە لە ڕوبەڕوبوونەوەی ئێمە و لیڤەرپوڵ بەهۆی ماندوبوونەوە دووچاری پێکان هات، باوەڕیشمان بەوەیە کە ناوازە و جیاوازین، بەڵام هەرگیز یاریزانەکانمان ناپارێزین، ئەوەی ڕوودەدات کارەساتە..تێناگەم بۆچی پریمەرلیگ لە بارودۆخەکە تێناگات، ڕەنگە بیانەوێت خولی ئینگلتەرا جیاواز دەرکەوێت، لە کاتێکدا خولەکانی دیکە لە بارودۆخەکە تێدەگەن”.
یۆرگن کلۆپ پاڵپشتی گواردیۆلا دەکات و دەڵێت، ” سەرەڕای ئەوەی 14 یانە بڕیارەکەیان لەلا پەسەند نییە، لەگەڵ گواردیۆلا باسمان لە یاسای پێنج ئاڵوگۆڕ کرد، کەواتە با بڕیارەکە بگۆڕێن کاتێک شەش یانەی لوتکە ڕوبەڕودەبنەوە با یاساکە جێبەجێبکرێت، نازانم ئەمە دەکرێت یان نا، بەڵام پێویستمان بە چارەسەرێکە”.
لە دوای قەیرانی کۆرۆنا و دەستپێکردنەوەی چالاکییەکانی وەرزی ڕابردوو، ڕێگە بە یانەکانی پریمەرلیگ درا پێنج ئاڵوگۆڕ لە یەک یارییدا ئەنجامبدەن، بەڵام لە سەرەتای وەرزی نوێ بڕیارەکە هەڵوەشێنرایەوە، لە کاتێکدا لە زۆرینەی خولەکانی دیکە تاوەکو ئێستاش جێبەجێدەکرێت.
