ڕۆژنامه‌کانی مه‌درید ڕه‌خنه‌ له‌ زێدان ده‌گرن: پێکهاته‌که‌ت په‌کیکه‌وتووه‌

ڕۆژنامه‌ ناوداره‌کانی مه‌درید هێرشی توندیان کردووه‌ته‌سه‌ر ڕاهێنه‌ر و یاریزانانی یانه‌ی ڕیاڵ مه‌درید و ستراتیجی خولانه‌وه‌ی یاریزانانیان به‌ لاواز و شکستخواردوو وه‌سفکردووه‌.

دوای شکستی یانه‌ی شاهانه‌ به‌رانبه‌ر ڤالێنسیا به‌ ئه‌نجامی چوار گۆڵ به‌رانبه‌ر گۆڵێک، ڕۆژنامه‌ی ئاسی ئیسپانی ڕاپۆرتێکی شیکاری له‌باره‌ی پێکهاته‌ی ڕیاڵه‌وه‌ بڵاوکردووه‌ته‌وه‌ و نوسیویه‌تی، زێدان له‌ به‌کارخستنی ستراتیجی خولانه‌وه‌ی یاریزانان شکستیهێناوه‌، له‌ ڕوبه‌ڕوبوونه‌وه‌ی قادیش زه‌نگێکی بۆ لێدراوه‌، پاشان به‌رانبه‌ر شاختار دڵنیاکراوه‌ته‌وه‌ که‌ هه‌ڵه‌یه‌ و له‌ کۆتا یاریشدا به‌رانبه‌ر ڤالێنسیا دۆخه‌که‌ گه‌یشتووه‌ته‌ ئاستی هه‌ڵتۆقینی کێشه‌کان و شکستی مێژوویی.

“ئاس” خراپی ئاستی ئیسکۆی به‌راورد به‌ مۆدریچ تاووتوێکردووه‌، به‌وپێیه‌ی ئیسپانییه‌که‌ به‌درێژایی یاری ته‌نها تۆپێکی گه‌ڕاندووه‌ته‌وه‌ له‌کاتێکدا مۆدریچی ته‌مه‌ن 35 ساڵ نۆ تۆپی پچڕاندووه‌، هه‌روه‌ها خراپی ئاستی جونیۆر و مارسێلۆ به‌راورد به‌ ئاستی مێندی و کاسیمێرۆ.

له‌لایه‌کی دیکه‌وه‌ ڕۆژنامه‌ی مارکا ئاشکرایکردووه‌، که‌ ڕیاڵ مه‌درید له‌ ڕووی به‌رگرییه‌وه‌ شکستیهێناوه‌ و له‌ هه‌ر ڕوبه‌ڕوبوونه‌وه‌یه‌کدا به‌ نێوه‌ندی ڕێژه‌ی 1,45 گۆڵیان له‌سه‌ر تۆمارده‌کرێت (14 گۆڵیان له‌ هه‌شت یارییدا له‌سه‌ر تۆمارکراوه‌)، به‌هه‌مان شێوه‌ له‌ ڕووی هێرشبه‌رییه‌وه‌ دووچاری نه‌زۆکی بوون و نێوه‌ندی ڕێژه‌ی تۆماری گۆڵیان له‌ یارییه‌کی ئه‌م وه‌رزه‌دا ته‌نها 1.91ی گۆڵێک بووه‌، بنزیمه‌ش تاکه‌ یاریزان بووه‌ له‌ تۆماره‌کاندا بوونی هه‌یه‌ و هه‌ریه‌ک له‌ یوڤیچ و ماریانۆ وه‌ک نه‌بوو ده‌رده‌که‌ون.

یه‌کێکی دیکه‌ له‌ داتاکان ڕێژه‌ی بردنه‌وه‌ی پێکهاته‌که‌ی زێدانه، ‌که‌ له‌م وه‌رزه‌دا که‌ هاوشێوه‌ی یانه‌یه‌کی مامناوه‌ند ده‌رده‌که‌وێت و ته‌نها له‌سه‌دا 54 چانسی بردنه‌وه‌ی هه‌یه‌‌، به‌ڵکو له‌ ماوه‌ی 22 ڕۆژدا سێ دۆڕاندنیان تۆمارکردووه‌، ئه‌وه‌ش ده‌یسه‌لمێنێت‌ بردنه‌وه‌ له‌ ڕیاڵ ئه‌رکێکی مه‌حاڵ نییه‌.

بابەتی پێشتر

زڵاتان توڕه‌یه‌: ئیتر په‌ناڵتی لێناده‌م، پێویستم به‌ حه‌وانه‌وه‌یه‌

بابەتی دواتر

گواردیۆلا و کلۆپ توڕەن و ڕەخنەی توند لە پریمەرلیگ دەگرن

بابەتی پەیوەندیدار
زیاتر ببینە

بێکهام، مانچستەر یونایتد دەکڕێت؟

دەیڤید بێکهام، ئەستێرەی دێرینی ئینگلتەرا دەبێتە بەشێک لەو گرووپە بازرگانییەی یانەی مانچستەر یونایتد لە خێزانی گلایزەرس دەکڕێت. بەپێی…
Total
0
Share