ئەستێرەی تێنسی سەرزەویی سڕبیا و جیهان، نۆڤاک دیۆکۆڤیچ بۆ ماوەی 100 هەفتەیە لە لوتکەی ڕیزبەندیی یاریزانە پیشگەرەکانی تێنسی سەرزەویدایە.
بەپێی نوێترین ڕیزبەندیی هەفتەی یەکەمی ساڵی 2022، نۆڤاک دیۆکۆڤیچ عەرشی تێنسی سەرزەویی جیهانی گرتووە، ماوەی 700 ڕۆژە، واتا 100 هەفتەیە لە پلەی یەکەمدایە و هیچ یاریزانێک نەیتوانیوە لەپێگەکەیدا ڕکابەری بکات.
“نۆلیتۆ” خاوەنی 11540 خاڵە، دانیێل میدڤیدێڤ-ی ڕووسی لە پلەی دووەمدایە بە 8640 خاڵەوە، واتا جیاوازیی نێوان یەکەم و دووەم 2900 خاڵە، ئەوەش وا دەکات نۆڤاکی سڕبی ماوەیەکی زیاتر لە پێگەی یەکەمدا بمێنێتەوە.
بەشێوەیەکی گشتی 10 باشترین یاریزانەکەی جیهان لە دوایین مانگی 2021 تاوەکو ئێستا، کە ساڵی 2022وە بەهەمان شێوەی پێشوو بەردەوامبووە:
نۆڤاک دیۆکۆڤیچ 11540 خاڵ
دانیێل میدڤیدێڤ 8640 خاڵ
ئەلیکساندەر زڤیرێڤ 7840 خاڵ
ستیفانۆس تستسیپاس 6540 خاڵ
ئەندرێ ڕوبلێڤ 5150 خاڵ
ڕافائێل نادال 4875 خاڵ
ماتیۆ بیریتینی 4568 خاڵ
کاسپەر ڕوود 4160 خاڵ
هوبێرت هورکاز 3706 خاڵ
یانیک سینەر 3350 خاڵ
