لەماوەی كەمی داهاتوودا ئەگەری ڕوودانی لافاو لە شارەكانی هەرێم و عێراق بەدوودەزانرێت، وەك ئەوەی لە پێشبینییەكانی كەشناسیدا هاتووە.
هەر بەپێی پێشبینییەكان كەشوهەوای ڕۆژانی داهاتوو لەنێوان هەور و نیمچەهەوردا دەبێت، لەگەڵ ئەگەری نمەباران لە هەندێك ناوچەدا.
عامر جابری، بەڕێوەبەری ڕاگەیاندنی دەستەی كەشوهەوای عێراق ڕایگەیاند، كەشوهەوای چەند ڕۆژی داهاتوو لە شارەكانی هەرێم و باكووری عێراق لەنێوان هەور و نیمچەهەوردا دەبێت، لەگەڵ ئەگەری بارانی كەم لە هەندێك ناوچە و ڕوودانی هەورەتریشقە.
هەروەك لە ناوچەكانی ناوەڕاستی عێراق ئەگەری بارانی مامناوەند هەیە، لەگەڵ جێگیریی پلەكانی گەرما.
ئاژانسی هەواڵی فەرمی عێراق لە زاری بەرپرسەكەی كەشناسی ئاشكراشیكرد، بەرزترین پلەی گەرمای شارەكان بەمجۆرە دەبێت، (سلێمانی 10، هەولێر 13، دهۆك 13، كەركوك 15، موسڵ 13 و بەغداد 14).
