ئەستێرەی هەڵکشاوی یانەی ڕیاڵ مەدرید، ڤینیسیۆز جونیۆر بووەتە گرانبەهاترین یاریزانی بەرازیلی و پێش نێیماری هاونیشتیمانی کەوتووە.
بەپێی نوێترین داتاکانی تۆڕی ترانسفێر مارکت، کە تایبەتە بە نرخ و بەهای یانە و یاریزانان، ڤینیسیۆز جونیۆر دوای پێشکەشکردنی ئاستێکی ناوازە بەدرێسی یانەی ڕیاڵ مەدریدەوە، نرخی گەیشتووەتە 100 ملیۆن یورۆ و ئەو نرخەش بەرزترینە لەسەر ئاستی سەرجەم ئەو یاریزانە بەرازیلییانەی لەدەرەوەی وڵاتەکەیان، بەتایبەت ئەوروپا یاریدەکەن.
لەبەرامبەردا، نرخی نێیمار لە 200 ملیۆنەوە بۆ 90 ملیۆن دابەزیوە و هۆکارەکەش پەیوەندی بە قەیرانی سەردەمی کۆرۆنا، پێکان، کەمی بەشداریکردن و دروستنەکردنی کاریگەرییەوە هەیە.
ڕیزبەندی گرانبەهاترین یاریزانانی بەرازیل (2022):
- ڤینیسیۆز جونیۆر (ڕیاڵ مەدرید): 100 ملیۆن یورۆ
- نێیمار (پاریس سان جێرمان): 90 ملیۆن
- مارکینیۆس (پاریس سان جێرمان): 75 ملیۆن
- کاسیمێرۆ (ڕیاڵ مەدرید): 60 ملیۆن
- ئالیسۆن بیکەر (لیڤەرپوڵ): 60 ملیۆن
- فابینیۆ (لیڤەرپوڵ): 60 ملیۆن
- گابریێل جیسوز (مان سیتی): 60 ملیۆن
- ئیدێر میلیتاو (ڕیاڵ مەدرید): 60 ملیۆن
- ڕیچارلیسۆن (ئێڤەرتۆن): 55 ملیۆن
- ئیدێرسۆن (مان سیتی): 50 ملیۆن
