بەبۆنەی ساڵی نوێوە، هاوژینەكەی سەڵاحەدین دەمیرتاش پەیامێكی بڵاوكردەوە و تیایدا وێڕای هیوای ئازادی و دادپەروەری بۆ هەمووان، ڕوونیدەكاتەوە، پاش دوو ساڵ، تەنها نیو كاتژمێر ڕێگەی دیداریان پێداوە.
باشاك دەمیرتاش، هاوژینی سەڵاحەدین دەمیرتاش، هاوسەرۆكی پێشووتری پارتی دیموكراتی گەلان پەیامێكی بڵاوكردەوە و دەڵێت، “هیوادارم ساڵێكی پڕ لە ئازادی و دادپەروەری بێت بۆ هەمووان، سەڵاحەدین و هاوڕێكانی وەك بارمتەی سیاسی لە زیندانن ماوەی پێنج ساڵ و مانگێك و 27 ڕۆژی تەواوە”.
باشاك لە پەیامەكەیدا كە لە تویتەر بڵاویكردووەتەوە، هیوا دەخوازێت ساڵێكی باش بێت كە تیایدا بارمتەبوونەكەی دەمیرتاش و هاورێكانی كۆتایی بێت.
هەروەك وێنەیەكی خۆی و دەمیرتاشی هاوسەری بڵاوكردووەتەوە، دەڵێت، یادگاریی بینینێكی كراوەیە بۆ ماوەی نیو كاتژمێر لە پاش دوو ساڵ.
Herkes için özgürlük ve adalet dolu bir yıl olsun. Selahattin ve arkadaşları, tam 5 yıl 1 ay 27 gündür siyasi rehine olarak hapisteler. Rehineliklerinin son bulacağı, iyi bir yıl diliyorum.
Bu da iki yıl aradan sonra, yarım saatlik açık görüşten bir hatıra… pic.twitter.com/bX3fH4d1dC
— Başak Demirtaş (@Basak__Demirtas) December 31, 2021
پێشتر سەڵاحەدین دەمیرتاش لە زیندانەوە تویتێكی بە بۆنەی ساڵی نوێوە كردووە، زۆر بە كورتی نووسیویەتی، “هیوای ساڵێكی بێ ستەم، بێ تاڵانی و بێ ئاكپارتی دەخوازم”.
دەمیرتاش پێیوایە، بەبێ ستەم و قۆرخكاریی شمەك و كاڵاكان و هەروەها بێ ئاكپارتی، ساڵێكی باش دەبێت.
هاوسەرۆكی پێشووتری هەدەپە جگە لە توركی، بە زمانی كوردی و هەروەها زاراوەی زازاكی پیرۆزبایی ساڵی نوێی كردووە.
