له ئۆپه‌راسیۆنێكى هێزه‌كانى پێشمه‌رگه و سوپاى عێراق له چیاى قه‌ره‌چووخ شه‌ش تیرۆریستى داعش كوژران.
غازى فه‌یسه‌ڵ، فه‌رمانده‌ی خۆبەخشی هێزه‌كانى پێشمه‌رگه به تۆڕی میدیایی ئێستاى ڕاگه‌یاند، هێزه‌كانى پێشمه‌رگه و سوپاى عێراق ئه‌مڕۆ له چیاى قه‌ره‌چووخ ئۆپەراسیۆنێكیان ده‌ستپێكردووه.
ئاماژه‌ى به‌وه‌شكرد، له ڕووبه‌ڕووبوونه‌وه‌یان له‌گه‌ڵ چه‌كدارانى داعشدا شه‌ش چه‌كدار كوژراون، شه‌ڕ و پێكدادانیش به‌رده‌وامه.
تا ئێستا له چیاى قه‌ره‌چووخ ژماره‌یه‌كى زۆری چه‌كدارى داعش هه‌ن، له‌ماوه‌ى ڕابردووشدا چه‌ند جارێك هێرشیان كردووه‌ته سه‌ر گونده‌كانى سنووری مه‌خمور، له دوایین هێرش بۆسه‌ر گوندى خدر جیجه، 14 پێشمه‌رگه و هاوڵاتیی مه‌ده‌نى شه‌هیدبوون
