ئەنجومەنی سەرتاسەریی مامۆستایانی ناڕازی، بەهۆی دابەشنەکردنی مووچەوە بایكۆتى سهرتاسهرییان ڕایگهیاند.
له كۆنگرهیهكى ڕۆژنامهوانیدا ئهنجومهنى مامۆستایانى ناڕازی ئاشكرایكرد، بەهۆی دابەشنەکردنی مووچەوە بایكۆتى سهرتاسهرییان ڕاگهیاند، دهشڵێت، هیچ پاساوێک بۆ دابەشنەکردنی مووچە و ڕاگرتنی پلەبەرزکردنەوەی مامۆستایان و فەرمانبەران نەماوە.
ئەنجومەنەكە ئەمڕۆ شەممە ڕایگهیاند، “وەکو لای هەمووان ئاشکرایە ڕۆژ دوای ڕۆژ نرخی نەوت بەرزدەبێتەوە و داهاتی ناوخۆ و گومرگ و باج بە ڕێژەیەکی زۆر زیادیکردووە و نرخی سەرجەم پێداویستییە بنەڕەتییەکانی ژیان بەرزبووەتەوە و هیچ پاساوێک بۆ دابەشنەکردنی مووچە و ڕاگرتنی پلەبەرزکردنەوەی مامۆستایان و فەرمانبەران نەماوە”.
مامۆستایانى ناڕازی جهختیانكردهوه، “قسەکانی سەرۆکی حکومەت ڕەتدەکەینەوە و پێمانوایە جگە لە پاساوهێنانهوە بۆ دزی و گەندەڵییەکانیان هیچ شتێکی نوێی تیادانەبوو”.
مامۆستایانى ناڕازی هەڵوێستی خۆیان خستەپاڵ ئەو مامۆستا و خوێندنگەیانەی كه بایکۆتیان کردووە و داواشیان لە مامۆستایان و فەرمانبەران كرد لە سبهینێوه بایکۆتی دەوام بکەن و دەوامی سەرجەم زانکۆ و قوتابخانە و فەرمانگەکان ڕابگرن.
دەشڵێن، “هەر پێشهاتێک بۆ پرۆسەی پەروەردە بێتەپێش دەسەڵاتدارانی گەندەڵ و بێباکی هەرێمی کوردستان لێی بەرپرسن”.
