بەمەبەستی تەواوكردنی كارەكانی نۆژەنكردنەوەی بەشە ناوخۆییەكان، ئەنجومەنی زانكۆی پۆلیتەكنیكی سلێمانی بڕیاریدا پشووی خوێندكاران درێژبكاتەوە.
لە ئاگادارییەكدا بۆ خوێندكاران، زانكۆكە دەڵێت، ئەنجومەنی زانکۆی پۆلیتەکنیکی سلێمانی بڕیاریدا کە پشووی خوێندکاران تا ڕۆژی پێنجشەممە 2022/1/6 درێژبکرێتەوە.
بەپێی ئاگادارییەكە پشووەكە (تەنها بۆ خوێندکارانه) و دەوام ئاساییدەبێت بۆ مامۆستایان و فەرمانبەران لە کەمپی كۆلێجه تەکنیکییەکان لە سلێمانی و پەیمانگای تەکنیکی چەمچەماڵ، هەروەها لە سەرۆکایەتیی زانکۆ و کۆلێج و پەیمانگاکانی دیکە.
ئەنجومەنی زانكۆی پۆلیتەكنیك، هۆكارەكەی گەڕاندووەتەوە بۆ داوای لیژنەی سەرپەرشتیی نۆژەنکردنەوەی بەشە ناوخۆییەکان لە (کەمپی چوارچرا لە سلێمانی و پەیمانگای تەکنیکی چەمچەماڵ) و لیژنەی جێبەجێکار لە ئیدارەی گشتی، لەبەر ئەوەی کارەکانی نۆژەنکردنەوە بەردەوامن لە چێشتخانە و موشتەمەلات و ژوورەکانی خوێندکاران لەو دوو بەشە ناوخۆییدا.
