وەزارەتی شارەوانی و گەشتوگوزاری هەرێم لەبارەی پارەی ڕاگرتنی ئۆتۆمبێل لەسەر شەقامەکانی هەولێر ڕایگەیاند، ئەو هەواڵە ڕاست نییە و ڕاگیراوە.
لە ڕوونکردنەوەکەیدا وەزارەتی شارەوانی ئاشکرایکردووە، “ئەم بابەتە پێش كابینەی نۆیەم سەریهەڵداوە، بەڵام لەگەڵ دەستبەكاربوونی كابینەی نۆیەمدا ڕاگیرا و جارێکی تر خرایەوەژێر پرۆسەی وردبینی و دیراسەت”.
وەزارەتی شارەوانی ڕاشیگەیاندووە، “هەر پڕۆژەیەک لە هەر فەرمانگەیەكی وەزارەتی شارەوانی و گەشتوگوزار جێبەجێبكرێت، لەژێر ڕۆشنایی و بە جێبەجێكردنی یاسا و ڕێنماییە بەرکارەكانی حكومەتی هەرێمی كوردستان دەبێت”.
