سەرۆك وەزیرانی عێراق ڕایدەگەیەنێت، ئەركە جەنگییەكانی هاوپەیمانیی نێودەوڵەتی كۆتاییهات و جەختدەكاتەوە لەسەر تەواوكردنی دەرچوونی هێزەكانیان.
مستەفا كازمی، سەرۆك وەزیرانی عێراق لە تویتێكدا ڕایگەیاند، ئەركە جەنگییەكانی هاوپەیمانیی نێودەوڵەتی كۆتاییهات، دەرچوونی سەرجەم هێزەكانی و كەلوپەلە سەربازییەكانیان بۆ دەرەوەی عێراق تەواوكرا.
دەشڵێت، ڕۆڵی هاوپەیمانی كورتدەبێتەوە لە ڕاوێژ و پشتیوانی بەپێی دەرئەنجامەكانی گفتوگۆی ستراتیژی.
كازمی لە تویتەكەیدا دەڵێت، “سوپاسی وڵات و فەرماندەیی هاوپەیمانیی نێودەوڵەتی و هاوسێ و هاوبەشەكانمان لە شەڕی دژ بە داعش دەكەین و جەختدەكەینەوە لەسەر ئامادەیی هێزەكانمان بۆ بەرگری لە گەلەكەمان”.
ئەرکە جەنگییەکانی هاوپەیمانی نێودەوڵەتی لە عێراق کۆتاییهات و سەرجەم کەرەستەکانیشیان بردە دەرەوەی وڵات، لەمەولا ئەرکی ئەوان دەبێتە ڕاوێژکاریی و پاڵپشتی بە گوێرەی دەرەنجامەکانی دیالۆگی ستراتیژی. سوپاس بۆ هاوبەشەکانمان لەشەڕی دژی داعش و هێزەکانمان ئامادەن بۆ بەرگریکردن لە گەلەکەمان.
— Mustafa Al-Kadhimi مصطفى الكاظمي (@MAKadhimi) December 29, 2021
