ئەمیندارێتیی گشتیی ئەنجومەنی وەزیرانی عێراق بەبۆنەی هاتنەوەی مانگی ڕەمەزانەوە بڕیاریدا یەك كاتژمێر دەوامی فەرمانبەران لە دەزگا و دامەزراوەكانی حكومەتدا كەمبكاتەوە.
بەپێی نووسراوێكی ئەمیندارێتیی گشتیی ئەنجومەنی وەزیرانی عێراق كە واژووی ئەمینداری گشتیی ئەنجومەنەكەی لەسەرە و تێیدا هاتووە، بڕیاردراوە بە كەمكردنەوەی یەك كاتژمێر دەوامی فەرمانبەران لە دەزگا و دامەزراوەكانی دەوڵەتدا.
لە بڕیارەكەدا هاتووە، ” فەرمانبەران دەتوانن لە سەرەتای دەوامكردندا ئەو كاتژمێرە وەربگرن یاخود لە كۆتایی دەوامكردندا سوودمەند ببن لە بڕیارەكەی حكومەتی عێراق و یەك كاتژمێر كەمتر دەوامبكەن”.
