چێوەی هەماهەنگیی شیعەكان ڕایدەگەیەنێت، بەهەموو شێوەیەك پشتیوانی لە هەنگاوەكانی محەمەد شیاع سودانی دەكەین لە ڕووبەڕووبوونەوەی گەندەڵی و پێشكەشكردنی خزمەتگوزاریی زیاتر بە هاوڵاتییان.
ئەمڕۆ پێنجشەممە، چێوەی هەماهەنگیی شیعەكان كۆبوونەوەی ئاسایی خۆی بە ئامادەبوونی محەمەد شیاع سودانی سەرۆك وەزیرانی عێراق ئەنجامداوە و جەختكرایەوە كە بەهەموو شێوەیەك پشتیوانی لە هەنگاوەكانی حكومەت بۆ ئەنجامدانی چاكسازی ڕیشەیی و پێشكەشكردنی خزمەتگوزاریی زیاتر بە هاوڵاتییان بكات.
ئاماژە بۆ ئەوەش كراوە، پێویستە سەرجەم هێزە سیاسییەكانی عێراق هەنگاوەكانیان بە ئاراستەی خزمەتكردن و باشتركردنی ژیان و گوزەرانی هاوڵاتییان بێت.
