ئەنتۆنیۆ كۆنتی، ڕاهێنەری تۆتنهام، دڵتەنگە بەوەی نەیانتوانیوە بردنەوە بەرامبەر ساوسامپتۆن بەدەستبهێنن، سەرەڕای ئەوەی تیپی بەرامبەر بە 10 یاریزانەوە یارییكردووە.
كۆنتی ڕەخنەی هەیە لە خشتەی یارییەكانی خولی ئینگلتەرا و پێیوایە ئەنجامدانی دوو یاریی لە 44 كاتژمێردا بۆ یاریزانەكانی تۆپی پێ گونجاو نییە.
كۆنتی دەڵێت، “یاریزانەكان پێویستیان بە پشوو، چارەسەربوون و ئاساییبوونەوەی دۆخی جەستەیان هەیە و لەو ماوە كەمەدا ئەوە ڕوونادات”.
ڕاهێنەری تۆتنهام دەڵێت، “تیپەكەم هیلاكە و كۆمەڵێك یاریی زۆریان لە ماوەیەكی كەمدا بۆ داناوین”.
ئەم قسانەی كۆنتی دوای ئەوە دێت، تۆتنهام بە گۆڵێك لەگەڵ ساوسامپتۆن یەكسانبوو.
