بەهۆی ئەنجامە خراپەکانەوە، چاوەڕواندەکرێت تۆماس توخێلی ئەڵمانی جێگەی ئەنتۆنیۆ کۆنتیی ڕاهێنەری یانەی تۆتنهام هۆتسپێرز بگرێتەوە.
ڕۆژنامەی “دەیلی میرەر”ی بەریتانی ئاشکرایکردووە، لەئێستادا تۆماس توخێلی ڕاهێنەری پێشووی چێڵسی بێکارە و حەزی بە وەرگرتنی پۆستی ڕاهێنانی یانەی تۆتنهامە.
بەهۆی دابەزینی ئاستی “سپێرز” و جیاوازی (14) خاڵ لەگەڵ یەکەمی ڕیزبەندیی پریمەرلیگ، چاوەڕواندەکرێت یانە زەبەلاحەکەی لەندەن لە کۆتایی وەرزدا لەبارەی کۆنتی-یەوە بڕیارێک بدات.
پێشوەخت لەگەڵ توخێل دانوستاندنیان کردووە و ڕاهێنەرە ئەڵمانییەکە لاری نەبووە لە جێگرتنەوەی کۆنتی.
جگە لە کۆنتی، ڕاهێنەرانی دیکەی پریمەرلیگ و تەنانەت ڕیاڵ مەدرید و بەرشلۆنە و بایرن میونشن ترسیان لێنیشتووە، چونکە دەزانن لە ئەگەری کەوتن، یاخود بەردەوامبوونی ئەنجامە خراپەکانیاندا، ئەڵمانییەکە ئامادەیە بۆ پڕکردنەوەی پێگەکانیان.
