بەڕێوەبەرایەتیی کەشناسی و بومەلەرزەزانیی هەرێم پێشبینیدەکات تا بەرەبەیانی هەینی بەفربارین لە هەندێک شاری هەرێم بەردەوامبێت و لە سەنتەری هەندێک لە شارەکانیش بەفردەبارێت.
بەپێی پێشبینییەکە، ئه‌مشه‌و ئاسمانى هه‌رێم نيمچه‌هه‌ور بۆ هه‌وری ته‌واوده‌بێت له ناوچه شاخاويیه‌كان به‌فر ده‌بارێت و ئه‌گه‌ر هه‌يه له سه‌نته‌رى هه‌ندێك له قه‌زا و ناحيه‌كان و سلێمانى (جگه له گه‌رميان) نمه‌باران و به‌فر به تێكه‌ڵى ببارێت و له سه‌نته‌رى شارى هه‌ولێر و دهۆك و هه‌ڵەبجه‌ش نمه‌باران ده‌بارێت.
ڕۆژی هه‌ينى ئاسمان هه‌ور ده‌بێت له كاته‌كانى به‌يانيدا بارانى مامناوه‌ند له ئيداره‌ى ڕاپه‌ڕين و باكوورى هه‌رێم و سلێمانى و هه‌ندێك له قه‌زا و ناحيه‌كانى هه‌ولێر ده‌بارێت و ناوچه‌كانى گه‌رميان و كەركوكيش نمه‌بارانى لێده‌بارێت و له‌دواى نيوه‌ڕۆوە كاريگه‌ريیه‌كه‌ى به لاوازی له ڕۆژهه‌ڵاتى هه‌رێم ده‌مێنێته‌وه.
