بەڕێوەبەرایەتیی گشتیی کارەبای سلێمانی، خاوه‌ن مۆلیده ئه‌هلییه‌كان ئاگادارده‌كاته‌وه كه بۆ پشووی سەری ساڵ گۆڕانكاریی له به‌رنامه‌ى پێدانى كاره‌با بكه‌ن.
له ئاگادارییەکى كاره‌باى سلێمانى، كە ئاراسته‌ى خاوەن مۆلیدەکانى كردووه هاتووه، ”ئاگاداری خاوەن مۆلیدە ئەهلییەکانی ناوشاری سلێمانی دەکەین، ڕۆژانی پشووی فەرمی لە 25ی مانگەوە تاوەکو 2/1/2022 بەیانیان كاتژمێر 6:30 بۆ 8:00ی بەیانی کار بە مۆلیدەکانیان نەکەن”.
كارەبای سلێمانی دەیەوێت لەبری ئەوە، لە کاتژمێر 10:00ی پێش نیوەڕۆوە کارەبای مۆلیدە بدەن بە هاوڵاتییان.
گۆڕانكاریی لە خشتەی پێدانی كارەبای مۆلیدە ئەهلییەكان هیچ گۆڕانكارییەك لە كاتژمێرەكانی پێدانی كارەبا كەم و زیاد ناكات و وەك خۆی دەمێنێتەوە.
