هێزه‌ شه‌ڕكه‌ره‌كانى هاوپه‌یمانان له‌ بنكه‌ى سه‌ربازیی هه‌ریر كشانه‌وه‌

فەرماندەی ئۆپه‌راسیۆنه‌ هاوبەشەکانى عێراق ڕایگەیاند، هێزەکانى هاوپه‌یمانان لە بنکەى سەربازیى هەریر لە هەولێر کشاونەتەوە و چه‌ك و كه‌لوپه‌له‌كانیشیان ڕاده‌ستى پێشمه‌رگه‌كردووه‌.

تەحسین خەفاجى، وتەبێژى فەرماندەیی ئۆپه‌راسیۆنه‌ هاوبەشەکان به‌ میدیاى فه‌رمى عێراقی وتووه‌، لیژنەیەکى باڵاى ئەمنى ئەمڕۆ سەردانى بنکەى هەریریان کردووە و دڵنیابووەتەوە کە هێزى شەڕکەرى لێنەماوە.

خەفاجى جەختی کردووه‌ته‌وه‌، هیچ هێزێکى شەڕکەر له‌ بنكه‌كه‌ بوونى نەماوە و تەنها نۆ ڕاوێژکار ماون، ڕێککەوتنى کشانەوەیش وەک خۆى جێبەجێکراوە.

به‌وته‌ى وته‌بێژى ئۆپه‌راسیۆنه‌ هاوبه‌شه‌كانى عێراق، بەر لە وادەی دیاریکراو، ھێزە شەڕکەرەکانى هاوپه‌یایمانان لە بنکەی (ھەریر) لە ھەولێر کشاونەتەوە و چەک و کەلوپەله‌ سەربازییه‌كانى خۆیان ڕادەستی پێشمەرگە کردووە.

باسی له‌وه‌شكردووه‌، بەپێی دەرەنجامی دیالۆگی ستراتیژی نێوان عێراق و ھاوپەیمانیی نێودەوڵەتی، ھێزی شەڕکەر نەماوە.

بابەتی پێشتر

كه‌شناسیی هه‌رێم واده‌ى به‌فربارینى له چه‌ند ناوچه‌یه‌ك ڕاگه‌یاند

بابەتی دواتر

زۆربەیان كوردن.. له‌ كه‌ناراوه‌كانى یۆنان به‌له‌مێك به‌ 70 كۆچبه‌ره‌وه‌ نوقم بوو

بابەتی پەیوەندیدار
Total
0
Share