كه‌شناسیی هه‌رێم، پێشبینی ده‌كات، به‌ره‌به‌یانی سبه‌ینێ له چیاى ئه‌زمه‌ڕ و سه‌فین و چه‌ند ناوچه‌یه‌كى دیكه به‌فرببارێت و له سەنته‌ری شاره‌كانیش نمه‌باران بێت.
به‌ڕێوه‌به‌رایه‌تیی كه‌شناسی و بومه‌له‌رزه‌زانى هه‌رێم له ڕاگه‌یه‌ندراوێكدا ئاماژه‌ى به‌وه‌كردووه، “ئه‌مشه‌و ئاسمانى هه‌رێم هه‌ور ده‌بێت، له ناوچه شاخاوییه‌كانیش به‌فر ده‌بارێت، له به‌ره‌به‌یانیشدا ئه‌گه‌رهه‌یه به‌فر له ده‌وروبه‌رى پێنجوێن، ئه‌زمه‌ڕ، ماوه‌ت، كۆیه، سه‌فین و سۆران ببارێت”.
هه‌روه‌ها پێشبینى ئه‌وه‌ش ده‌كرێت هه‌ر سبه‌ینێ نمه باران له سه‌نته‌ری شاره‌كان ببارێت.
به‌پێی پێشبینییه‌كانى كه‌شناسی، نزمترین پله‌كانى گه‌رما له ناوچه شاخاوییه‌كان داده‌به‌زێت بۆ ژێر سفرى سیلیزى و له سه‌نته‌رى شاره‌كانیشدا (2بۆ3) پله داده‌به‌زێت به‌راورد به ئه‌مڕۆ.
ڕێژه‌ى بارانبارینى 12 كاتژمێرى ڕابردووش له ناوچه‌كانى هه‌رێم به‌مشێوه‌یه:
پیرمام 1.1ملم
دهۆك 1.3 ملم
زاخۆ 5.8 ملم
ئاكرێ 3.2 ملم
ئامێدى 3.8 ملم
بامه‌رنێ 5.0 ملم
بارزان 6.8 ملم
دوكان 0.4 ملم
حاجى ئۆمه‌ران 0.6 ملم
كانى ماسى 0.8 ملم
سۆران 0.8 ملم
ماوه‌ت 0.2 ملم
قه‌ڵادزێ 0.2 ملم
مێرگه‌سور 9.8 ملم
سیده‌كان 0.6ملم
