هاندەرانی مانچستەر یونایتد، برونۆ فێرناندێز-ی پۆرتوگالییان وەك باشترین یاریزانی ساڵی 2021 دەستنیشانكرد.
فێرناندێز ساڵی 2019 لە یانەی سپۆرتینگ لیشبۆنەوە پەیوەندی بە ڕیزەكانی مانچستەر یونایتدەوە كردووە و 102 یاریی ئەنجامداوە و 45 گۆڵیشی كردووە.
فێرناندێزی تەمەن 27 ساڵ، لە دەستنیشانكردنەكەدا پێش هەریەك لە یاریزانان دی خیا و گرینوود و لۆك شاو كەوت.
مانچستەر یونایتد ئەم وەرزە سۆلشایەری لە پۆستی ڕاهێنەرایەتی دوورخستەوە و راڵف ڕانیك-ی ئەڵمانیی خستۆتە جێگەكەی، ئێستاش لە پلەی شەشەمی ڕیزبەندیی خولی ئینگلتەرا دەبینرێت و 17 خاڵ لەدوای مانچستەر سیتی-ی پێشەنگەوەیە.
