بەرەبەیانی ئەمڕۆ سێشەممە بومەلەرزەیەک بەگوڕی 3.5 پلەی پێوەری ڕێختەر شارۆچکەی دەربەندیخانی سەر بە پارێزگای سلێمانیی هەژاند.
بەپێی نەخشەی چاودێریکردنی ڕوودانی بومەلەرزە، لە باشووری دەریاچەی دەربەندیخانی پارێزگای سلێمانی بومەلەرزەیەک ڕوویداوە، ڕووداوە سروشتییەكە لە کاتژمێر 4:14 خولەکی بەرەبەیانی ئەمڕۆدا بووە.
گوڕی بومەلەرزەکە 3.5 پلە بووە بەپێوەری ڕێختەر و لە دووریی 26 کیلۆمەتر لە باشووری دەریاچەی دەربەندیخان ڕوویداوە.
بەپێی دەستەی کەشناسیی عێراق، بومەلەرزەکە هیچ زیانێکی گیانی و ماددیی نەبووە.
