پەروەردەی هەولێر پشووی ڕاگەیاند

پەروەردەی گشتیی هەولێر ڕایدەگەیەنێت، بەمەبەستی پاراستنی سەلامەتی مامۆستا و خوێندكاران سبەی لە ناوەندەكانی خوێندن پشوو دەبێت.

بەرێوەبەرایەتیی گشتیی پەروەردەی هەولێر ڕایگەیاند، پاش وەرگرتنی ڕەزامەندی وەزیری پەروەردەی حکومەتی هەرێمی کوردستان و پارێزگاری هەولێر وەک ئامادەسازیی بەمەبەستی پاراستنی سەلامەتیی گیانی مامۆستایان و خوێندكاران لەهەر ئەگەرێکی نەخوازراوی کەشوهەوا سبەی سێشەممە 21ی كانونی یەكەم لە سەرجەم ناوەندەكانی خوێندنی (حكومی و ناحكومی)ی سنووری بەڕێوەبەرایەتییەكەیان پشووی دەبێت.

بەپێی ڕاگەیەندراوەكەی پەروەردەی هەولێر، پشووەكە پەروەردەکانی سنووری ئیدارەی سەربەخۆی سۆران ناگرێتەوە.

بەهۆی ئەو شەپۆلی بارانەی ڕووی لە هەرێمی كوردستان كردووە، مەترسی بەرزبوونەوەی ئاستی ئاو و لافاو لە هەندێك جێگا هەیە، ئەمەش هۆكاری بڕیاری پشووەكەیە.

پێشتر بەڕێوەبەرایەتیی پەروەردەی دەشتی هەولێر پشووی سبەی لە سنووری بەڕێوەبەرایەتییەكەیان ڕاگەیاند.

بابەتی پێشتر

پارێزگاری هەولێر لەبارەی مەترسییەكانی لافاو و ئامادەكارییەكان دەدوێت

بابەتی دواتر

بومەلەرزەیەک دەربەندیخانی هەژاند

بابەتی پەیوەندیدار
زیاتر ببینە

ئاگادارییەك بۆ شۆفێران

وەزارەتی ناوخۆی هەرێم رایدەگەیەنێت، شۆفێران سێجار سزا دەدرێن ئەگەر لە كامێراكانی تۆماركردنی تیژڕەوییەوە پابەندی رێنماییەكان نەبوون. بەپێی راگەیەندراوێكی…
Total
0
Share