هەڵگری ناسناوی خولی یانە پیشەگەرەکانی ئەمریکا بۆ یاریی باسکە (NBA)، تیمی میڵواکی باکس بۆ جاری 12 لەم وەرزەدا دۆڕاندنی تۆمارکرد.
لە دواین ڕووبەڕووبوونەوەکانی (NBA)، تیمی میڵواکی باکس ڕووبەڕووی نیوئۆرلیانز پیلیکانز بووەوە، بە ئەنجامی (112-116) دۆڕاندنی تۆمارکرد، لەکاتێکدا لەكاتی ئاسایی یارییەكەدا یەکسان بوون (103-103)، بەڵام لە چارەکی یەکلاکەرەوەدا پیلیکانز باڵادەستیی نیشاندا و بە جیاوازی چوار خاڵ پێش پاڵەوانی وەرزی ڕابردوو کەوت.
لەلایەکی دیکەوە تیمی گۆڵدن ستەیت واریەرز بە بردنەوەی لە بۆستن سێڵتیکس (111-107)، توانی لە لوتکەی ڕیزبەندیی تیمەکانی جەمسەری خۆرئاوا خۆی جێگیربکات.
ئەنجامەکانی دیکەش بەم جۆرە بوون:
هیت 115- 105 ماجیک
ناگێتس 133-115 هاوکس
سپێرز 128-126 یوتا جاز
لەیکەرز 92-110 تێمبەروۆڵڤز
هۆرنێتس 116-125 ترەیڵ بلەیزەرس
گریزلیس 124-105 کینگز
