كاریگەریی ئەو شەپۆلەی لە ڕۆژی پێنجشەممەوە ڕووی لە شارەكانی هەرێم كردووە ڕوو لە كەمبوونەوەیە، كەشناسیی هەرێم دەڵێت، ئێستا لە زۆرینەی ناوچەكان تەم دروستبووە و بەهۆیەوە مەودای بینین كەمبووەتەوە.
لە ئێوارەی ڕۆژی پێنجشەممەوە شەپۆلێكی باران شارەكانی هەرێمی گرتەوە و ئەمڕۆ كاریگەرییەكەی بەرەو كۆتایی دەچێت، لە زۆرینەی ناوچەكان ئاسمان لەنێوان هەوری تەواو و نیمچە هەور دەبێت لەگەڵ ئەگەری باران لە هەندێك ناوچەدا.
بەڕێوەبەرایەتی گشتیی كەشناسی و بومەلەرزەزانی هەرێمی كوردستان بڵاویكردەوە، ئێستا لە زۆربەی ناوچەکانی هەرێمی کوردستان تەم دروستبووە، کە بووەتە هۆی کەمبوونەوەی مەودای بینین بۆ خوار یەك كیلۆمەتر.
دەشڵێت، “پێشبینی دەکرێت تاوەکو نیوەرۆ کاریگەریی تەمەكە کەمبێتەوە”.
كاریگەریی شەپۆلی بارانبارینەكەی سەر هەرێمی كوردستان كەمتر بووەتەوە، بەڵام پێشتر كەشناسی پێشبینی كردبوو، قۆناغی دووەمی شەپۆلی باران و بەفر ڕۆژی دووشەممە دەستپێدەكات و لەم قۆناغەدا بارستەهەوایەكی ساردیش ڕوو لە هەرێمی كوردستان دەكات.
كەشناسیی هەرێم نزمترین پلەكانی گەرمای تۆماركراوەكانی شار و ناوچەكانی بڵاوكردەوە كە بەمجۆرەیە:
