لەلایەن دەزگایەكی سەر بە پارتییەوە رێگری لە تیمی هەولێری تۆڕی میدیایی ئێستا كرا وێنەی ئەو یەكە نیشتەجێبوونانە بگرێت كە تایبەت بوون بە كرێنشینان و پارتی بۆ بانگەشە بە توێژێكی دیكەی بەخشی.
لەلایەن بەرپرس و كارمەندانی “دەزگای خێرخوازیی بارزانی”یەوە رێگری لە تیمی تۆڕی میدیایی ئێستا كرا وێنەی ئەو یەكە نیشتەجێبوونانەی هەولێر بگرێت كە تایبەت بوون بە كرێنشینان و، لە دوو رۆژی رابردوودا لەلایەن پارتی و ئەو دەزگایەوە دەستی بەسەرداگیرا و بۆ بانگەشەی هەڵبژاردن درایە بەشێك لە كەسوكاری شەهیدان.
دیار حسێن، پەیامنێرمان لە هەولێر پێیڕاگەیاندین، “بە شێوازێكی زۆر ناشرین مامەڵەیان لەگەڵ كردین و هەڕەشەی شكاندنی كەلوپەلەكانیان كردین”.
وتیشی، “چەندین قسەی ناشرینیان بەرامبەر كردین، لەكاتێكدا ئێمە تەنها دەمانویست چەند گرتەیەكی یەكەكان بگرین”.
