لهچهند بهنزینخانهیهكى سلێمانى سبەینێ دابەشکردنی بەنزینی نۆرماڵی عێراقی بەنرخی 690 دینار بەردەوامی دەبێت.
بەڕێوەبەرایەتیی نەوت و کانزاکانی سلێمانی لە ڕاگەیەنراوێکدا ئاماژهى بهوهكردووه، “سبەینێ بەنزینی نۆرماڵی عێراقی بەنرخی 690 دینار لە هەریەکە لە بەنزینخاکانی بەکرەجۆ، تاسڵوجە، دۆڵەڕوت، ئازادی و وێستگەی هەڵەبجە (تانجەرۆ) لەناو شاری سلێمانی دابەش دەکرێت”.
دوێنێ دواى ڕاگرتنى بۆ ماوهى چهند ڕژێك دابەشکردنی بەنزینی نۆرماڵی عێراقی بەنرخی 690 دینار لەناو شاری سلێمانی و دەرەوەی شار دەستیپێکردووەتەوە.
پێشتر بڕیاربوو بەغداد ڕۆژانە یەك ملیۆن لیتر بەنزین ڕەوانەی هەرێمی كوردستان بكات، بەڵام نزیكەی نیوەی ئەو بڕەی دەنارد كە ڕێككەوتن كرابوو لەسەری، کە بە وتەی بەهمەن شێخ قادر “ئەو نیوەیەش بەی بێكەموكورتی نەدەهات”.
وتەبێژی بەنزینخانەکانی سلێمانی ئاشکرایکردبوو، وەزارەتی سامانە سروشتییەکانی هەرێمی کوردستان بەڵێنی ناردنی ئەو بڕە بەنزینەی بەهەمان نرخ داوە، ئەو وێستگانەش دیاریکراون کە بەنزینەکەیان بۆ دەنێردرێت، بەڵام تائێستا هیچ بڕە بەنزینێک لە سامانە سروشتییەکانەوە نەهاتووە.
