فەرماندەیی پۆلیسی كەركوك رایدەگەیەنێت، لە رۆژی 18ی ئەم مانگە كە هاوكاتە لەگەڵ بەڕێوەچوونی هەڵبژاردنی ئەنجومەنی پارێزگاكان قەدەغەی هاتوچۆ جێبەجێناكرێت.
فەرماندەیی پۆلیسی كەركوك راگەیەندراوێكی بڵاوكردووەتەوە و تێیدا ئاماژە بۆ ئەوە كراوە، لە چوارچێوەی جێبەجێكردنی رێنماییەكانی وەزارەتی ناوخۆ و فەرماندەی پۆلیسی پارێزگای كەركوك لە كاتی بەڕێوەچوونی دەنگدانی تایبەت و گشتی بۆ هەڵبژاردنی ئەنجومەنی پارێزگاكان دەروازە سنوورییەكان و رێگای نێوان پارێزگاكان داناخرێت.
هەر لە راگەیەندراوەكەدا هاتووە، هاتوچۆی ماتۆڕسكیل بە هەمو جۆرەكانییەوە لە رۆژی هەڵبژاردنەكان قەدەغەدەكرێت و جووڵەی ئۆتۆمبێلی بارهەڵگری پێنج تۆن یان زیاتر لە سەنتەری شار و ناوەندەكانی قەزا و ناحیەكان قەدەغەدەكرێت.
