شارەزایەکی بواری کەشناسی ڕایدەگەیەنێت، گۆڕانکاری لە کەشوهەوا ڕوودەدات و پلەی گەرما دادەبەزێت.
ئاراس جەبار، شارەزای بواری کەشناسی ڕایگەیاند، لە ئەنجامی کاریگەریی بەرزەپاڵەپەستۆی ژێر گەرمی کە لەسەر ناوچەکانمان جێگیربووە، پلەی گەرما لە ماوەی ڕۆژانی دووشەممە و سێشەممەی ئەم هەفتەیە، بە جێگیری دەمێنێتەوە.
ڕاشیگەیاند، لە ڕۆژی چوارشەممەوە، بارستەهەوایەکی فێنک لە دەریای ناوەڕاستەوە هەرێمی کوردستان و ناوچەکە دەگرێتەوە و پلەی گەرما بە ڕێژەی 4 تا 5 پلە نزمبوونەوە بەخۆیەوە دەبینێتەوە، بەتایبەتیش لە ڕۆژانی 25 تا 27ـی مانگ، کاریگەریی ئەو بارستەهەوایە زیاتر دەبێت.
