عودەی عەواد، سەرۆکی لیژنەی دارایی لە ئەنجومەنی نوێنەرانی عێراق ڕایگەیاند، هەفتەی داهاتوو لیژنەکە میوانداریی پارێزگاری بانکی ناوەندیی عێراق دەکات و پرسیاری کەمکردنەوەی پشکی دۆلاری گەشتیاران لە 3 هەزار دۆلار بۆ 2 هەزار دۆلاری لێدەکرێت.
ڕوونیشیکردەوە، نیگەرانی هەیە لە چۆنێتیی دابەشکردنی ئەو بڕە دۆلارە بەسەر گەشتیاراندا و دەوترێت قۆرخکاری و گەندەڵی هەیە لەو میکانیزمەدا، هەروەها وتیشی، لەگەڵ پارێزگاری بانکی ناوەندی قسەدەکەن بۆ ئاسانکردنی ڕێکارەکانی پێدانی دۆلار بە گەشتیاران.
