سەلیم جبوری، سەرۆكی پێشووی پەرلەمانی عێراق دەڵێت، “هەڵبژاردنەكانی داهاتوو حزبی نابن، بەڵكو لەسەر ئاستی تاكەكەسی دەبن و چەك رۆڵی تیادا دەگێڕێت.”
لە لێدوانێكدا بۆ دیجلە، جبوری لەبارەی هەڵبژاردنەكانی داهاتووی عێراق دواوە و ڕایگەیاندووە، “لە هەڵبژاردنی پەرلەمانیی پێشوەختەدا زۆربەی هاوپەیمانێتییە سیاسییەكان هەڵدەوەشێنەوە.”
پێشبینیشی كردووە پاكی و بێگەردیی هەڵبژاردنەكە بەڕێژەی 50% بێت، بەڵام چەك رۆڵی لە هەڵبژاردنەكەدا دەبێت.
بە وتەی سەلیم جبوری، “هەڵبژاردنەكانی داهاتووی عێراق حزبی نابن، بەڵكو لەسەر ئاستی تاكەكەسی دەبن و گۆڕانكارییان بەسەردا دێت و كاندیدەكان خۆیان رۆڵیان دەبێت.”
سەرۆكی پێشووی پەرلەمانی عێراق ڕاشیگەیاند، “لە ئێستاوە پرۆژەی دەرەكی و دەستوەردانی نێودەوڵەتی لە هەڵبژاردنەكانی داهاتووی عێراقدا بەدیدەكرێن و دەركەوتوون.”
سەلیم جبوری كە یەكێكە لە سەركردەكانی سونە ئاشكرایكرد، “ڕێككەوتنێكی لەگەڵ خەمیس خەنجەردا هەیە بۆ دروستكردنی هاوپەیمانێتی، بەڵام هێشتا ئیمزانەكراوە.”
