گهندهڵی و وهرگرتنى بهرتیل لهلایهن فهرمانبهران و بهرپرسانى وهزارهتهكانى حكومهتى سعودیهوە تەنگی بە وڵاتەكە ههڵچنیوه، لهمانگى ڕابردوودا 250 كهس له شهش وهزارهتى جیاوازدا دهستبهسهركراون.
دهستهى چاودێرى و ڕووبهڕووبوونهوهى گهندهڵیی سعودیه له ڕاگهیهندراوێكدا ئاماژهى بهوهكردووه، لە مانگی ڕابردوودا له وهزارهتهكانى بهرگری، ناوخۆ، داد، تهندروستى، خوێندنى باڵا و كاروبارى شارهوانییهكان 250 كهس بهتۆمهتى وهرگرتنى بهرتیل و گهندهڵی دهستبهسهركراون.
دیارترین ئهو تۆمهتانهى كه ڕووبهڕووی تۆمهتبارهكان كراونهتهوه، بریتی بوون لە بهرتیل و بهكارهێنانى دهسهڵاتهكان و پۆستهكانیان بۆ كاری ساختهكاری و گهندهڵی، تۆمەتبارانیش دهستبهسهركراون و لێكۆڵینهوهیان لهگهڵدا دهكرێت.
ههر بهپێی ڕاگهیهندراوی دهستهكه، لهماوهى ئهو مانگهدا چاودێریی كاروباری شهش ههزار و 459 كهس كراوە و لهكۆی تۆمهتباركردنى 657 كهسیش بهو تۆمهتانه، 250 كهسیان دهستبهسهركردووه و تۆمەتەكەیان بەسەردا ساغبووەتەوە.
دهستهى چاودێرى و ڕووبهڕووبوونهوهى گهندهڵیی سعودیه ئاشكرایكردووه، لهمانگى پێشووتریشدا دهستهكه 172 كهسی دیكهیان به تۆمهتى گهندهڵى دهستگیركردبوو.
لاى خۆیهوه، ڕۆژنامهى مهدینه بڵاویكردووهتهوه، محهمهد بن سهلمان شازادهى جێنشینى وڵاتهكه دهیهوێت تاوهكو ساڵی 2030 چاكسازی له ههموو بوارهكاندا بكات و سنوورێكیش بۆ گهندهڵی دابنێت له سعودیه.
