یانەی بەرشلۆنە لە یاریگای کامپ نو ڕووبەڕووی ڕیاڵ بیتیس بووەوە، یارییەکە بە بردنەوەی سەوزپۆشەکانی بیتیس کۆتاییهات.
ئەمڕۆ شەممە، یانەی بەرشلۆنە لەیاریگای خۆیدا یاریی هەفتەی 16ی خولی ئیسپانیای بەرامبەر ڕیاڵ بیتیس ئەنجامدا، یارییەکە بە ئەنجامی گۆڵێکی بێوەڵام لەبەرژەوەندیی یانەی میوان کۆتاییهات.
گۆڵەکەی بیتیس لە خولەکی 79 لەلایەن خوان میگێل لۆپێزەوە تۆمارکرا “خوانمی”.
بەپێی ئەنجامەکە، یانەی بەرشلۆنە بە 23 خاڵەوە لە پلەی حەوتەمی ڕیزبەندیی یانەکانی لالیگا بەردەوامبوو، لەبەرامبەردا یانەی ڕیاڵ بیتیس ژمارەی خاڵەکانی گەیاندە 30 و بەشێوەیەکی کاتی لە پلەی پێنجەمەوە بۆ سێیەم سەرکەوت.
