دوای ئەوەی پەنابەرێکی کوردی خەڵکی کەرکوک، لە ڕووداوێکدا لە وڵاتی فینلاند گیانیلەدەستدا، کۆمەڵێک خێرخوازی کورد لەو وڵاتە تەرمەکەی ڕەوانەی کەرکوک دەکەنەوە.
ئەو کوردانەی کە ئەرکەکەیان لە ئەستۆگرتووە دەڵێن، “ئەو بڕە پارەیە بە زیادەوە کۆکراوەتەوە كە بۆ ناردنەوەی تەرمی پەنابەرەکە پێویستە و لە ئاییندەیەکی نزیکدا ڕەوانەی شاری کەرکوک دەکرێتەوە”.
بە وتەی ئەو کوردانەی دانیشتووی فینلاند، ناردنەوەی تەرمی پەنابەرەکە بڕی شەش بۆ حەوت هەزار یۆرۆی پێویستە و لەو بڕە زیاتریش کۆکراوەتەوە”.
بە وتەی خۆیان ئەو بڕە پارە زیادەیەش کە کۆکراوەتەوە دەنێردرێتەوە بۆ کەسوکارەکەی لە کەرکوک، ئەوان بەکاریبهێنن.
چەند ڕۆژێک پێش ئێستا پەنابەرێکی کورد بەناوی “محەمەد” لە ڕووداوێکدا لە ماڵەکەی خۆیدا گیانیلەدەستدا، دواتر دایکی پەنابەرەکە بە هاوڕێکانی کوڕەکەی ڕاگەیاندبوو دەیەوێت کوڕەکەی لە کەرکوک بنێژێت، بەڵام توانای هێنانەوەی تەرمەکەی نییە.
