لیژنەی تەکنەلۆژیا لە قائیمقامیەتی سلێمانی چاودێری هەموو کامێراکانی چاودێری لە شوێنە بازرگانی و شوێنە گشتییەکان دەکات و لەکاتی پێویستدا سەیری دەکاتەوە.
میران رزگار، سەرۆکی لیژنەی تەکنەلۆژیا لە لیژنە هاوبەشەکانی قائیمقامیەتی سلێمانی رایگەیاند، لیژنەکەیان پێکهاتووە لە کەسانی شارەزا کە نوێنەری بەڕێوبەرایەتییەکانى ئاسایش و رۆشنبیرى و قائیمقامیەتیش لەخۆدەکرێت.
وتیشى، “رۆژانە تەماشای کامێراکانی چاودێری دەکەن لە شوێنە گشتی و بازرگانییەکان دەکەن و، ئەو شوێنانەی کە کامێرای چاودێرییان نییە یان وەکو پێویست کارناکات ناچاریان دەکەن پابەندی رێنماییەکان بن”.
سکاڵا لەهەر شوێنێک هەبێت ئەو لیژنەیە سەردانی شوێنەکە دەکات و تەماشای کامێراکانی چاودێری دەکات، بەپێی بەڵگەکان مامەڵەی یاسایی لەگەڵ شوێنەکە دەکرێت، میران رزگار واى وت.
لیژنەکانى قائیمقامیەتى سلێمانى لە چەند لیژنەیەکى جیاجیا پێکدێت و رۆژانە پشکنین و بەدواداچوون ئەنجامدەدەن.
