جێگری سە‌رۆكی ئەنجومەنی وە‌زیران، ڕایگەیاند پێویستە کێوماڵی ئەو ناوچانە بکرێت داعش تیایاندا جوڵەی هەیە و هاوئاهەنگیی پێشمەرگە و سوپای عێراق و هاوپەیمانان زیاتر بکرێت.
قوباد تاڵەبانی، جێگری سە‌رۆكی ئەنجومەنی وە‌زیران لەسەر هێرشەکەی شەوی ڕابردووی داعش لە نزیک مەخمور ڕایگەیاند، “بە‌داخە‌وە، دیسانە‌وە، داعشە تاریكپە‌رستە‌كان ھە‌لێكیان بۆ ڕە‌خسا و دە‌ستیان گە‌یشتە ڕۆڵە‌كانی گە‌لی كورد، لە ئاكامدا، 7 پێشمە‌رگەمان و سێ ھاوڵاتی كورد شە‌ھید بوون، خوای گە‌ورە لە بە‌ھە‌شتی بە‌رین شوێنیان بكاتە‌وە و سە‌بوری كە‌سوكاریان و ئێمە‌ش بدات”.
قوباد تاڵەبانی ئاماژەی بەوەشکردووە، “زۆر بوونی ھێرشەکانی داعشی تیرۆریست لە‌م ماوە‌یە‌دا سە‌لمێنە‌ری ئە‌وە‌ن كە، جگە لە‌وە‌ی مە‌ترسیی ئەو گروپە تێرۆریستییە ھە‌ر زیندووە، پێویستیشە كێوماڵ و چاودێری و پڕكردنە‌وە‌ی بۆشایی ئە‌منی ئەو ناوچانە زیاتر بێت بە‌تایبە‌ت ئەو ناوچانە‌ی دە‌كە‌ونە نێوان ھێڵی بە‌رگریی ھێزی پێشمەرگە و ھێزە عێراقییە‌كان، بە‌ھاوكاری و ھە‌ماھە‌نگی ھێزە ھاوپە‌یمانە‌كانمان. ھاوتە‌ریبیش لە‌گە‌ڵ ئە‌وە، كار بۆ نە‌ھێشتنی فیكری تیرۆریستی بكرێت چونكە تاوە‌كو ئەو فیكرە بمێنێت، تیرۆریش ھە‌ر دە‌مێنێت، ھە‌روە‌ھا پێویستە شانە نووستوە‌كانیشیان لە‌ڕە‌گەوە ڕیشە‌كێش بكرێن”.
