یانەی پاریس سان جێرمان یاریی هەفتەی 15ی خولی فەرەنسای بەرامبەر سانت ئیتیان ئەنجامدا، بردنەوەیەکی قورسی تۆمارکرد.
ئەمڕۆ یەکشەممە، یانەی پاریس سان جێرمان لە جیۆفرۆی گویچارد ستاد بە ئامادەبوونی مێسی و نێیمار و مباپێ و ڕامۆس و تەواوی ئەستێرەکانییەوە ڕوبەڕووی یانەی سانت ئیتیانی خاوەن یاریگا بووەوە، پاریسییەکان بە ئەنجامی سێ گۆڵ بەرامبەر بە گۆڵێک بردنەوەیان تۆمارکرد.
گۆڵەکانی پاریس لە خولەکەکانی 45 ، 79، 90 لەلایەن مارکینیۆس (دوو گۆڵ) و دی ماریاوە تۆمارکران، گۆڵەکەی سانت ئیتیانیش لە خولەکی 23 لەلایەن دێنیس بوانگاوە تۆمارکرا.
بەپێی ئەنجامە تۆمارکراوەکە، ئەستێرەکانی ماوریسیۆ پۆچتینۆ بە 40 خاڵەوە لە لوتکەی ڕیزبەندیی یانەکانی لیگا 1 بەردەوامبوون، لەبەرامبەردا یانەی سانت ئیتیان بە 12 خاڵەوە لە دواین پلەی ڕیزبەندییەکەدا خۆیان گرتەوە.
