ڕاهێنەری یانەی ئینتەر میلان، سیمۆنی ئینزاگی ڕەخنە لە ڕەخنەگرانی یانەکەی دەگرێت و دووپاتیدەکاتەوە، پێکهاتەکەی لە ئاستێکی بەرزدایە.
دوای بردنەوە لە یانەی ڤینیزیا بەئەنجامی دوو گۆڵی بێوەڵام، یانەی ئینتەر میلان بە کۆکردنەوەی 31 خاڵ لەپلەی سێیەمی ڕیزبەندیی یانەکانی خولی ئیتاڵیا جێگیربوو.
لەو بارەیەوە سیمۆنی ئینزاگی ڕاهێنەری نێراتزۆری بە میدیاکانی ڕاگەیاند، “پێکهاتەکەم لە باشترین ئاستیدایە، ڕەخنەگران پێیانوابوو لە قۆناغی ڕاگوزەرداین، بەڵام ئەوەی دەیبینن وادەیەکی گونجاوە بە ئەنجامی باشەوە، ئەوە سێیەم یاریمانبوو لە ماوەی شەش ڕۆژدا، کەسایەتییەکی بەهێزمان پیشاندا”.
هەروەها دەڵێت، “کاتێک هاتمە ئێرە ئیدارەیەکی بەهێزم لەپشتبوو بۆ گەیشتن بە لوتکە، دڵنیابن لە ڕووبەڕووبوونەوەی داهاتوودا بۆ گرتنی لوتکەی کۆمەڵەکەمان لە قۆناغی کۆمەڵەکان، دەچینە مەدرید بۆ ڕووبەڕووبوونەوەی ڕیاڵ مەدرید”.
لە گواستنەوەکانی هاوینی 2020دا، ئیدارەی ئینتەر دەستبەرداری ئەشرەف حەکیمی و ڕۆمێلو لوکاکۆی بەلجیکی بوون، پاشان ئەنتۆنیۆ کۆنتی ڕاهێنەر دەستلەکارکێشانەوەی پێشکەشکرد، دوای ئەو قۆناغە میدیا و شارەزایان پێیانوابوو، سەردەمی ئینزاگی دەبێتە سەردەمێکی ڕاگوزەر.
