سبەینێ ڕامۆس لە خولی فەرەنسا بۆ یەكەمجار بە درێسی پاریس سان جێرمانەوە دەردەكەوێت، لە یارییەكەی بەرامبەر سانت ئیتیان یاریدەدات.
ڕامۆس سەرەتای وەرز پەیوەندی بە یانەی پاریس سان جێرمانی فەرەنسییەوە كردبوو، بەڵام تووشی پێكانێكی قورس هات و تا ئێستا بەشداریی هیچ یارییەكی نەكردووە.
ڕۆژنامەی لیكیپی فەرەنسی ئاشكرایكردووە، ڕامۆس پێكانەكەی تێپەڕاندووە و ئێستا بۆ یاریكردن ئامادەیە.
ئاماژەی بەوەشداوە، كە بەرامبەر سانت ئیتیان لە هەفتەی 15ی خولی فەڕەنسا یەكەم یاریی خۆی ئەنجام دەدات.
