ده‌زگاى لوتكه‌: تەرمی 27 كۆچبەری بەلەمە نقوومبووەكەی نێوان فەرەنسا و بەریتانیا ‏دۆزراونەتەوە

سه‌رۆكى ده‌زگاى لوتكه‌ بۆ كاروبارى په‌نابه‌ران ڕاگه‌یاند، تاوه‌كو ئێستا ناسنامه‌ى ‏قوربانییه‌كانى به‌له‌مه‌ نقوومبووه‌كه‌ى ئاوەكانی نێوان فه‌ره‌نسا و به‌ریتانیا دیارنییه‌، تەرمی ‏‏27 كۆچبەریان دۆزراوەتەوە.‏

ئارى جه‌لال، سه‌رۆكى ده‌زگاى لوتكه‌ بۆ كاروبارى په‌نابه‌ران به‌ تۆڕی میدیایی ئیستاى ‏ڕاگه‌یاند، “ئه‌و به‌له‌مه‌ى كه‌ دوێنێ له‌ ده‌ریاى نێوان فه‌ره‌نسا و به‌ریتانیا نقووم بوو، 31 ‏كۆچبه‌رى تێدابووه‌ و ته‌رمى 27یان دۆزراونه‌ته‌وه‌”.‏

وتیشی، دوو كۆچبه‌ریان له‌لایه‌ن تیمه‌كانه‌وه‌ به‌ زیندوویی ڕزگاركراون‌ و دوو ‏كۆچبه‌ریشیان بیسه‌روشوێنن‌. ‏

سه‌رۆكى ده‌زگاى لوتكه‌ جه‌ختى له‌وه‌شكرده‌وه‌، “هێشتا بەڵگەی سەلمێنەر لەبارەی ‏ناسنامەی قوربانییەکانەوە نییە و دیارنییە کوردن یان نا”.‏

له‌سه‌ر ڕووداوه‌كه‌ش، دوێنێ ئیمانوێل ماکرۆن، سەرۆکی فەرەنسا ڕایگەیاندبوو، “نا‌هێڵن ‏ئەو ڕێڕەوە ئاوییە ببێتە گۆڕستان، بەڵێنیشیدا ئەو کەسانە بدۆزێتەوە کە لەو تراژیدیایە ‏بەرپرسن و بە تۆمەتی کوشتنی مرۆڤ دادگاییان بکات”.‏

بابەتی پێشتر

حكومەتی هەرێم ڕوونكردنەوە لەبارەی هۆكاری كەمبوونەوەی كارەبا دەدات

بابەتی دواتر

عێراق.. فڕۆكەیەكی بێفڕۆكەوانی بۆمبڕێژكراو خرایەخوارەوە

بابەتی پەیوەندیدار
زیاتر ببینە

ڕێواز فایەق: پرۆژە یاسای  دادگای تایبەتمەند بە ئەندامانی داعش چەندین ڕەهەندی نێودەوڵەتیی هەیە

سەرۆکی پەرلەمانی کوردستان سەبارەت بە پرۆژە یاسای دادگای تاوانكاریی تایبه‌تمه‌ند به‌تاوانه‌كانی داعش له‌هه‌رێمی كوردستان-عێراق ڕایگەیاند، پڕۆژه‌یاسای دامه‌زراندنی دادگای…
Total
0
Share