هاوپەیمانیی نیشتمانی رایدەگەیەنێت، هێرشەكەی سەر فڕۆكەخانەی سلێمانی عێراق و ناوچەكە دەخاتە مەترسییەوە.
مەریوان نوری، وتەبێژی هاوپەیمانیی نشتمانیی کوردستان رایگەیاند، وەك هاوپەیمانیی نیشتمانی ناڕەزایی خۆمان سەبارەت بەو هێرشە دەردەبڕین کە کرایەسەر فڕۆکەخانەی سلێمانی، کە فڕۆکەخانەیەكی مەدەنییە و لە خزمەت هاوڵاتیان و خەڵکی کوردستان و عێراقە.
وتیشی، “ئەم هێرشە عێراق و ناوچەکە دەخاتە مەترسیەوە، بۆیە بێدەنگ بوون لەم بابەتە هیچ پاساوێک هەڵناگرێت”.
“دەبێت حکومەتی عێراقیش هەڵوێستی توندی هەبێت و جارێکی تر هێرشی لەم شێوەیە دووبارە نەبێتەوە بۆ سەر خاکی پیرۆزی هەرێمی کوردستان” وەك ئەوەی وتەبێژی هاوپەیمانی ئاماژەی پێدا.
دووپاتیشیدەكاتەوە، تێکدانی ئاسایشی سلێمانی و دەوروبەری تێکدانی ئاسایشی عیراق و هەرێمە، بۆیە ئەو هێرشە هەر کەس و لایەن و وڵاتێک لە پشتیەوە بێت، دژایەتیی راستەوخۆی عێراق و هەرێمی کوردستانە.
